李克勤與吳若希（Jinny）前晚出席活動，講到日前生日，克勤表示收到囝囝的生日蛋糕，亦有一家人食飯。談到許志安參加內地歌唱節目唱廣東歌被批，曾參加《蒙面歌手》的克勤說：「我參加《蒙面歌手》嗰時都未必句句啱聽，但就係考你EQ同現場反應嘅時候。」他又主動提起在無綫節目《Do姐去Shopping》中收到車路士的手信，本是曼聯躉的他笑說：「收到嗰時就打咗個突，因為全世界都知我係曼聯擁躉，不過冇咩嘅，玩吓啫！」

克勤表示生日當天與家人食飯。

此外，談到接載馮允謙一事，Jinny說：「因為佢冇揸車，所以就車埋佢，嗰日係一齊做完《實習天使》宣傳，之前都畀人影到我車胡鴻鈞。」