姚子羚今年憑台慶劇《張保仔》奸妃角色入圍《萬千星輝頒獎典禮2015 》「最佳女配角」，剛剛奪得《TVB馬來西亞星光薈萃頒獎典禮2015》「女配角」獎項令她奪獎呼聲大增，她說：「今年首次提名女主角同埋女配角，對女配角都有一定信心，今年對手好平均，但會平常心面對，喺馬來西亞攞獎已經好開心，獎項係13年來嘅一份肯定，馬來西亞攞完獎好似放鬆咗，係好大鼓舞，但香港頒獎禮都係唔諗，唔想畀自己有幻想，抱住平常心，有就錦上添花。」而楊秀惠則憑《鬼同你OT》姣精一角入圍，犧牲色相演出有回報的她說：「角色好突破，自己反而睇好有份提名嘅馬蹄露，同佢好多對手戲，佢做得好令到大家都好突出，好開心一齊有提名。」

姚子羚以平常心面對獎項。