何佩瑜（Jeana）有份參演電影《導火新聞線》，對於「莊王罵戰」，她說：「電影係一個Team Work，大家都係想件事好，其實都係好小事啫！相信佢哋好快冇事，（王宗堯係咪一個會抱不平嘅人？）我同佢唔係太Close Friend咋！」

張建聲安慰完莊思敏，又替王宗堯講好話。

而昨晚與莊思敏同場出席活動的張建聲坦言會做和事老：「佢哋都係為部戲好，有責任感先會發生口角，床頭打交床尾和，不過酒錢佢兩個畀。」他表示有安慰莊思敏，說到她表示與王宗堯沒朋友做，張建聲愕然地說：「道氣未下晒啫，不過呢啲嘢冇得逼。（莊思敏話對方斷佢衣食？） 係誤會，我會做和事老。（覺得王宗堯過分？）佢壓力好大，喺套戲用咗好多心機。」