陳瀅蝦頭晉級決賽

全港最強娛樂資訊App《東網巨星》傾力打造「智」激遊戲節目《巨星放題》第八集已推出，今集由「Dr.吹神」陳奕迅（Eason）、「Miss Kay」謝安琪（Kay）及新加盟的「Professor Hins」張敬軒組成三劍俠連環出題，考考成功進入第二Round的「扮嘢嬌蝦」楊詩敏（蝦頭）、「宅男女神」陳瀅及「爆肌聰明豆」張繼聰，而三人中只有兩位能脫穎而出進入最後決賽。

第八集中，Eason打頭陣出題：「長頸鹿條頸生得長，因為要食樹上面啲樹葉，咁猩猩點解鼻窿生得咁大呢？」第一條IQ隨即考起三位參賽者，蝦頭笑言是因為要呼吸更多空氣，而陳瀅再次施展邏輯推理，指着鼻子自言自語：「因為要聞其他猩猩嘅Pat Pat……因為要撩鼻屎！」最後由陳瀅成功估中，Eason說：「因為猩猩手指粗，撩鼻屎時比較易入到去。」

「歌神都唔記得！」

而第二題由Kay發問冷知識：「第一個喺紅館開演唱會嘅係？」身為歌手的阿聰最快作答：「徐小鳳！一定係，除非唔係！」蝦頭亦認為是徐小鳳，陳瀅則賣口乖答Kay，最後由Kay揭盅：「個答案我梗係知啦！係歌神許冠傑。」連輸兩題的蝦頭和阿聰即揼晒心口：「歌神都唔記得添！」最後一條由軒仔以IQ題考起三位參賽者：「有個人不幸因車禍入咗醫院，佢嘅家人趕到醫院問醫生病人情況點，醫生見到家屬只舉起五隻手指，然後家屬就爆喊喇！到底點解呢？」蝦頭聽到問題即時估是否食字「5」得喇？暫時捧蛋的阿聰問：「點解咁難嘅，你哋今次？」完全毫無頭緒。到揭曉答案時蝦頭終超時答中：「因為三長兩短啊！」

結果今集由蝦頭和陳瀅成功晉級，答中一題的陳瀅笑說：「Yeah！咁到畀我過到關，你哋記住留意睇我點過下一關喇，第三Round再見！」臨尾掹車邊答中半題的蝦頭向其他挑戰者下戰書：「話咁易我已進入第三輪比賽，因為第二輪我已經贏咗！」蝦頭和陳瀅將在下一集與連詩雅、周秀娜於決賽碰面，想知四位靚女邊個奪得「放題IQ王」？記得密切留意《東網巨星》App！