翟威廉、劉佩玥和樂瞳等昨日宣傳《萬千星輝頒獎典禮2015》，談到新設獎項「最受歡迎經典劇集」的心水選擇，樂瞳自爆曾情迷吳卓羲：「嗰時睇《衝上雲霄》，覺得吳卓羲好吸引！」翟威廉即扮呷醋：「我有份做第二輯，考慮吓我吖！」

翟威廉（左起）、鄧佩儀、張秀文、樂瞳、劉佩玥和林師傑齊拉票。

劉佩玥參演不少劇集，要努力拉票呀！

問到角逐「最佳男配角」及「飛躍進步男藝員」的信心，他說：「都冇咩話信唔信心，邊個攞我都開心！（叫緋聞女友陳庭欣幫手拉票？）呢啲佢由心啦！佢鍾意邊個咪投邊個囉，我唔管喇！（庭欣冇提名喎？）出年囉，如果出年有提名，我幫手拉票，佢做《歡樂滿東華》主持幾好吖！」