組合天堂鳥與歌手張立基昨日在將軍澳電視城為東華表演排舞，天堂鳥要穿上高踭鞋令跳舞難度大增，他們笑說：「第一次着高踭跳舞，都幾攰，小腿唔夠力，似就嚟抽筋咁，依家終於明白女人嘅辛苦，不過，着咗對腳係修長啲。（擔心表演時拗柴？）唔怕！練習時間充足，都好安全，同埋都着住佢習慣吓！」張立基大讚天堂鳥舞功了得，問到可會在東華鬥舞？他說：「唔係鬥，大家係為咗籌款，佢哋跳得好好，跳得好靚。（着高踭鞋跳舞？）唔會喇！我老喇！」
