「晶女郎」文凱玲（Connie）近期獲導演王晶力捧，將於明年初上映的新片《鴨王2－雞同鴨戀》中擔正，早前她更撈多瓣豪花逾30萬元與友人在中環開餐廳，被拍到擒上擒落打點，搬貨時更不慎仆倒，非常賣力！

文凱玲與友人開餐廳，落舖頭搬貨時不慎仆倒！

昨日Connie透過電話表示開餐廳是希望學多門知識，並非一心為賺錢：「演藝事業發展得唔錯，只係想試唔同嘅嘢，又有個地方同朋友聚會。（兼顧埋生意辛苦？）都唔會，我哋一大班人，好似劉晨芝會諗橋。（飲食業方面有冇野心？）今次係我第一次搞餐廳，冇諗咁多住。」她笑言可做生招牌，經常帶朋友來幫襯再傳開口碑。