向來不公開談戀事的天王郭富城一反常態晒車廂「十指緊扣」相高調拍拖：「這樣開車要慢一點！」Tag埋「新城嫂」內地27歲女模方媛（Moka），引來各種二次創作，昨日城城又有新搞作，與Moka拍拖食Lunch，齊齊戴黑超飲湯，並公開首張拍拖照，食住上次條水留言：「這樣吃飯要慢一點...嗎！」結果3小時內錄得共3萬個Like及4萬個留言，不過大部分為負評及猥褻留言，指他反常如「男版葉璇」：「你是和葉璇一樣被下降頭了嗎？」、「兩個瞎子一起吃個飯，有甚麼好圍觀？」但他們一於少理，Moka更轉發城城照片並撒嬌：「別皮了！快吃飯！」

城城現身電影謝票活動時春風滿面。

「新城嫂」方媛

城城昨晚與金燕玲、白只及邵美琪到旺角謝票，春風滿面的他一現身即引來觀眾歡呼！對於晒與女友共餐照被傳媒取笑吃慢一點，咬住爆谷的城城笑而不語，問到女友可有觀賞其新作？城城說：「睇咗，梗係有讚，個個演員都做得好！（女友對套戲點睇？）私人嘢唔答。（佢喺香港？）呢樣嘢唔答。（套戲有兩個版本，係咪都同佢睇？）唔使下下刻意問女友點睇，工作還工作，生活還生活，所有工作有關嘅嘢問我啦！」

而城城前緋聞女友苟芸慧上載拖手熊仔糖抽水：「祝福天下每一對情侶、夫妻、手牽手勇敢面對未來，永遠幸福快樂！」