歌手可嵐最近推出新歌《匆匆一生》鼓勵年輕人追尋夢想，不要害怕遇到難關，她表示踏入樂壇十年以來不時碰壁，最受傷一次是被唱片公司嫌身形太肥：「我最肥去到130幾磅，受到好多人抨撃。可能當年學生年代唔識化妝、着衫，十幾歲着到成個師奶咁！最後得到依家唱片公司老闆賞識，我節食做運動，三個月後減咗十幾磅，最後先出得成碟咋！」

可嵐自爆試過肥到130幾磅，努力減肥後Fit晒！

可是難題又豈只一個，可嵐慨嘆在娛樂圈收入不穩定，最窮試過身上只得三十元，幸有「神迹」降臨：「我向上天祈禱後，第朝我聽到一個電話，原來係我未出道前去咗一間小學度唱歌，學校話有封利是仔畀番我，點知係四位數嘅支票，嗰次真係打救咗我。」