「宅男女神」黃美棋近日以六位數字為美容院進行剪綵，同場還有梁健平及石天欣等助陣。晒肩又晒腿的美棋對酬勞相當滿意：「之前經朋友介紹試線面，試完塊面真係好易上妝！跟住佢哋請我剪綵，係我入行以來最高嘅價！（六位數？）係呀！除咗酬勞仲贊助我兩年線面療程。客戶見我生日又封咗大利是畀我！」問到她有否興趣入股做美容生意？她說：「儲到錢會想入股，因為好想保留同將呢啲傳統美容手藝發揚光大！」她對該美容院的線面技術讚不絕口，更大爆事後出街被異性調戲：「唔係講笑，我做完線面第二日就可以開工。我總共做咗三次，次次做完都有人讚我瘦咗同靚咗！（被男仔撩？）做嘢時佢哋讚我索咗！」

黃美棋袋六位數酬勞為美容院剪綵，更獲石天欣（左一）撐場。