朱盈盈願為周潤發減壽

有「嫩版李彩華」之稱的模特兒朱盈盈（Zenia）銳意闖影壇，笑容甜美的她更願意穿內衣及泳衣出鏡。問到其性感底線時，她說：「為藝術再性感啲冇問題，如果對手係資深演員更放心。」Zenia希望拍不同種類的電影，夢想跟影帝周潤發合作：「我細細個已經睇《賭神》，好欣賞佢係巨星但完全冇架子，如果可以同發哥合作，我短壽十日都制！」問到想跟周潤發演甚麼戲？她說：「有冇得親密啲？我覺得佢嘅笑容冧到好多女仔，同佢拍愛情片一定好浪漫！」