仙樂都早前踩入樂壇推出新歌《新出發》，可惜派台後劣評如潮，故她決定再戰錄音室重錄新歌：「有網友話我有啲字唱到凸晒出嚟，好似走音咁，有啲位自己聽到都覺得『Un』耳。之前個音樂監製唔肯幫我修音，話聽出嚟會太假，依家搵咗第個音樂監製。」

重踏錄音室的仙樂都心情緊張，但仍奮勇上陣。

為了今次「Take 2」錄音，仙樂都事前做足準備：「上咗好多堂學唱歌，返去又練小腹肌，令丹田運用得好啲。」她坦言因時間緊迫及資金有限，搞到壓力甚大：「唱歌老師有幫手傍實我，有佢教我開聲，信心會大啲。」