女藝人Naomi（馮鎵瀠）表哥林俊賢的女兒林鈺洧（Denice）早前計劃入行做Model，Naomi善用自己入行多年的人脈，積極為表姪女Denice鋪橋搭路，她透露今年中Denice約她飯敍並求教入行方法，因而與她分享經驗，又陪她與不同經理人及模特兒公司見面：「當時佢未夠瘦，面對鏡頭好陌生，我陪佢訓練，佢家人唔支持，我就用自己人脈幫佢，到佢簽約畀呢間公司，我都有傍實佢壯膽。」

Naomi（左）為表姪女Denice出心出力，引薦她入行做Model。

Denice現已正式入行，問到她尚有甚麼改善之處？Naomi說：「佢仲細個，應付傳媒同待人接物嘅技巧可以再好啲，行Catwalk就有公司教，希望佢繼續努力！」