林夏薇早前於北角開設點心兼火鍋店，短短幾個月已再開分店，選址屯門黃金海岸一間六千呎的店舖，日前她到新店當生招牌，不消一會已引來外籍女士詢問菜式，薇薇即上前招呼。問到為何新店選址屯門？她說：「想每間舖都可以同業主搵到共同理念，所以價錢都貼近香港人嘅消費標準，希望食得開心，想佢哋返轉頭。（繼續開新店？）一步步嚟，北角同屯門兩間舖都進行中，唔係易事，之後要睇發展。」

老闆娘林夏薇試菜、宴客一腳踢，更希望於港島的寫字樓區再展拳腳！

薇薇表示老公不時給予意見，雖然公私兩忙，與老公相處時間少，惟夫妻依然甜蜜：「之前拍嘢都係咁，依家做生意反而溝通多咗，佢又係我熟客，見客咪會嚟我舖頭，反正都要食！咁我哋又可以見得多，但佢冇股份，照畀錢！」