宅男甜心陳芷尤早前返回成長地新加坡與親友敍舊，期間每天都與姪女抱抱玩耍，因而激起母愛，她又孖好友白雲游泳兼大晒Big爆身材！文：立影

好友白雲（右）專程往獅城陪芷尤度假，更一同暢泳騷Quali。

芷尤抱住姪女玩足一日都唔厭。

新加坡男Fans的DIY禮物令芷尤愛不釋手。

藝人陳芷尤憑無綫處境劇《愛．回家》的侍應小雲一角而為人認識，擁D Cup火辣身材的她廣吸男Fans，最近更獲選擔任電影《少女打擂台》的女主角，正式升呢！

男Fans約見 感動收禮

芷尤早前趁未開工而返回成長地新加坡叉電，與家人及朋友敍舊，每日都與姪女玩耍的她，笑言玩BB腳仔都令她笑不攏嘴，並激發起母愛：「BB好得意！成日笑，我哋幫佢打扮唔同嘅得意造型。（幾時做媽咪？）我都好鍾意小朋友，但有排啦！結咗婚先，玩人哋啲BB特別好玩，自己湊係另一回事。」芷尤此行又重遊大學想當年及在聖誕裝飾前拍照，亦與幾位女友人夜蒲，玩盡新加坡的日與夜！當中最令她難忘的是有位新加坡男Fans專誠在網上約見，並送上寫滿打氣字句及圖畫的DIY禮物：「佢話欣賞咗我好耐，又有睇我網上直播頻道，知我返新加坡就約我，覺得佢好有心思，好感動！」

「細」味地道美食

另外，芷尤好友白雲亦前往新加坡陪玩，兩人穿上三點式游泳，大晒索爆身材，問到有否引來狂蜂浪蝶？她笑說：「冇喎！酒店泳池都係女遊客同細路仔多，但我哋行街有唔少人眼望望，我哋打扮得較隆重，當地人好Causal，令我哋有少少突出咁，都有男仔走嚟撩傾偈，但冇下文。」提到新加坡美食，芷尤大讚美味，卻因怕肥及眼睛傷口敏感而只吃少量海鮮。