歌手王灝兒（JW）轉投新公司後以歌曲《矛盾一生》打響頭炮，在《東網電視》最新一集《娛樂onShow》與主持陳振安大談歌曲的矛盾之處，並強調王灝兒是其真名，並非藝名！文：專案組

JW的新歌唱出女性心聲，大受歡迎！

JW與陳振安大談新歌《矛盾一生》表達的心聲。

JW期望30歲前成家立室，與另一半漫步人生路。

王灝兒新歌《矛盾一生》甫推出便大受歡迎，錄得數十萬點擊率。她早前為《東網電視》《娛樂onShow》擔任嘉賓，接受主持陳振安訪問。歌曲引起不少女性的共鳴，陳振安卻表示以男性角度看，對歌曲毫無感覺，JW即反駁：「對我嚟講，我會想遇到一個又玩得又認真嘅男人，呢首歌咁矛盾，係因為你好愛一個人，但係你明知唔可以改變佢！」

揀男友講心唔講金

她自爆歌中包含自身故事：「希望30歲前結婚、有BB，我係一個傳統嘅女仔，所以到咗呢個年紀會開始有啲矛盾。男仔唔一定要有錢，而係要有嗰個心，會為女朋友同將來努力！」

提到「王灝兒」這個中文名，JW強調是真名而非藝名：「呢個名係叔公幫我改。簽咗新公司後，我發現如果上網搜尋『JW』，會搵到一間酒店同埋好多服裝品牌，有排都未搵到我！始終我係香港歌手，都要有個中文名。」她又在訪問中大談與她認識多年的好友鄧紫棋（G.E.M.）及帶她入行兼前公司老闆黎明，想知道更多有關JW的秘密？記得留意《娛樂onShow》！

場地：Oldish Limited　　髮型：Hin Wan@ILCOLPO