譚詠麟（阿倫）宣布溫拿演唱會加開兩場還人情債，而其好友陳百祥昨65歲生日，自稱千杯不醉的他更豪言：「Please隊冧Me！」文：影視組

阿叻得戚自稱「Please隊冧Me」，難怪希望人人包容別人。

賈曉晨悉心打扮到賀。

阿倫（左）與關楚耀昨日出席活動時搞笑Chok甫。

李克勤夫婦結伴賀阿叻65歲生日。

溫拿將於明年農曆新年（2月6至10日）在紅館舉行《溫拿NEVER SAY GOODBYE演唱會2016》，阿倫在電話訪問中透露今日宣布加開兩場，惟事實上得個「唉」字：「唔係開心事，係之前嘅人情債嚟。」又表示會嚴格篩選演唱會嘉賓：「要考驗過佢哋先，上得台嘅就一定有人認同佢係唱到歌嘅。」

來賓「不請自來」

而阿倫好友陳百祥（阿叻）昨晚在跑馬地慶祝65歲生日，傍晚6時到場的他笑言來賓均自行報名：「有180至200位到啦！」談到生日願望，他希望人人開心及包容別人：「依家後生仔都鍾意挑機，我就出晒名，你過到我頭咪唔做囉！」問到太太黃杏秀送甚麼，他說：「佢12點就嚟咗，飲茶就開枱。」又指一直為秀姑打工。

賈曉晨婚禮細搞

問到會否不醉無歸，他笑說：「我英文名好長，叫『Please隊冧Me』！曾志偉次次都畀人抬出嚟，你有幾何見到我咁？」而苗僑偉、佘詩曼、李克勤夫婦、彭懷安和賈曉晨等都有前來為阿叻賀壽，比老婆戚美珍先到的苗僑偉帶了一支干邑到場：「阿叻飲晒實醉！」賈曉晨則表示不打算與樊少皇大搞婚禮。鄺美雲和無綫高層樂易玲亦有到賀，鄺美雲恭祝阿叻：「健康、平安、發大財。」樂易玲亦手執一束玫瑰花送給阿叻。