天后容祖兒與陳寶珠昨日出席海港城聖誕揭幕禮，祖兒將與媽媽及一班親友到韓國旅行，並由她埋單當聖誕禮物，「跟得男友」劉浩龍（師兄）卻不會同行。對於郭富城公開戀情，她說：「祝福佢！都戥佢開心。（同師兄揸車會十指緊扣？）會叫佢小心揸車，佢技術冇城城咁好。」提到有指蔡卓妍（阿Sa）在生日會上失儀大罵「男人收皮」，祖兒即護阿Sa：「幾真性情，幾可愛，好彩我冇去，我尖叫嘅分貝咁大，一定搶晒鏡。」

祖兒（右）與陳寶珠攬到實，提早感受聖誕氣氛。

而快將69歲生日的陳寶珠預告與一班粉絲及好友食飯慶祝，問到生日願望是否抱孫？她說：「慢一步啦！隨緣，都冇催啲後生。」