何家三房千金何超蓮大前日自爆與拍拖四年多的台灣歌手吳克羣分手，老友失戀，身為閨蜜的G.E.M.昨晚7時許在女友人陪同下親往中環買餸，準備煮愛心大餐慰藉超蓮。問到如何安慰超蓮，她說：「整嘢畀佢食囉！哈哈哈！（有咩獨家料？）我唔會出賣好朋友。（吳克羣有第三者？）呢啲問番佢，但我就陪超蓮囉！（係咪整愛心餐？）係呀！愛心餐。」

G.E.M.（左）笑言會整愛心餐安慰超蓮。

拿着戰利品的G.E.M.準備上車。

G.E.M.向記者揮手Say Bye，難得咁友善。

超蓮在車廂內呆等了G.E.M.45分鐘。

超蓮主動幫手拿戰利品。

掛住買餸的G.E.M.烏龍地忘記時間，超蓮早於6時45分已經乘坐七人車抵達G.E.M.寓所門外，食風等足45分鐘，仍未放下舊情的她更一度向記者說：「你哋可唔可以唔出嗰個人（吳克羣）個名，都過咗去。」

晚上7時35分G.E.M.終於趕到，披散一頭長髮，面容明顯瘦削不少的超蓮下車，主動上前向她說：「你都好大整蠱啫！」G.E.M.邊笑邊執嘢，問到會否介紹男仔給超蓮，她說：「佢唔使介紹，大把啦！」而超蓮被問到吳克羣時則表示事已過去，並說：「我Move On咗！你哋咪再提，我展望美好的未來。」