泳兒曾在內地歌唱比賽中奪得總冠軍，對於參加同類型比賽的許志安因獻唱舊的廣東歌而遭崔健狠批，她力撐安仔，更暗示可能是節目「劇情需要」。

力撐安仔的Vincy認為最重要揀適合自己唱的歌。

軒仔（左起）、Vincy、許靖韻與羅力威擔任晚宴的表演嘉賓。

泳兒（Vincy）、張敬軒、羅力威、許靖韻、陳伶俐與老公劉頌銘，前晚出席《九龍樂善堂135周年晚宴暨樂善在商界頒獎典禮》。曾勇奪2014年內地歌唱比賽《麥王爭霸》總冠軍的Vincy，談及許志安日前參加內地歌唱節目時，因選唱張學友的舊廣東歌《怎麼捨得你》而被節目推薦人之一崔健狂轟，Vincy說：「揀歌唔會理舊唔舊，最重要係適合自己唱，唔同評判會有唔同睇法。」

軒仔指可能誤解

力讚安仔是唱得之人的Vincy自爆參賽時亦擔心被評判鬧到喊，她說：「我覺得佢哋係特登，因為會叫我感動啲同激動啲。」而軒仔亦有同感並反問：「係咪節目安排咋？」又指崔健在樂壇是受尊敬的音樂人，可能意思被誤解，他表示未看過比賽片段，估計崔健的意思可能是「想聽新嘅廣東話作品，可能佢意思係難得上節目，唱新歌，我哋咪太早作定論。」

鼻拮三針救聲

此外，Vincy又指日前從廣州到北京錄節目，因溫差過大而患病：「去咗針灸急救把聲，喺個鼻度拮咗三針。」羅力威對於Vincy表示在內地工作時，其同行的化妝師疑似撞鬼，羅力威百無禁忌說：「想見識一下。」但不怕鬼神的他卻怕提起女友雨僑。而陳伶俐透露畫廊生意比預期中好，賺了七位數字。

文：音樂組　

攝：劉智源