佘詩曼錯過婚期唔後悔

佘詩曼昨晚出席商場的聖誕亮燈活動，身穿Tube Dress的她透露曾有個難忘的聖誕：「21歲嗰年喺瑞士讀書，男友用咗一晚時間砌咗個同我一樣高嘅雪人，仲拎埋戒指出嚟向我求婚，當時我得21歲仲讀緊書，所以冇答應。」記者笑指錯過了一次機會便等足廿年，她聞言笑說：「今年啦！（拍拖喇？）拍戲呀！（後悔？）冇，如果當年結婚真係浪費咗家人啲錢。」她又透露月中便開拍電影版《使徒行者》，對於有傳林峯冇份演出，她說：「要開完會先知。（可惜？）睇你點睇，可能有新角色更好呢！」提到苗僑偉將擔正演出，她說：「過兩日開完會先知。」她又指若今年聖誕有時間，會與家人和朋友一起度過。