歌手林峯昨晚現身銅鑼灣出席《Heart Attack》快閃MV首播活動，獲歌迷到場支持，並為下周二生日的他送上蛋糕及禮物。林峯笑言因考慮到兩年多沒派新歌，故活動在形式上想特別些並可貼近大眾。談到現時才派歌應趕不及參與頒獎禮，他說：「本身想趕得切就要早兩個月派歌，但我想質量好啲，所以趕唔切都冇所謂。」提到即將生日，他透露當日可能要工作：「未知會唔會喺香港。（同女友吳千語旅行慶祝？）睇吓有冇時間，佢依家喺泰國拍戲。（冇得一齊慶祝？）唔緊要。（你飛去搵佢慶祝？）咁又唔使嘅，我都有工作在身。（佢飛過嚟搵你？）等佢做完嘢先。」

林峯獲大批粉絲送上蛋糕提早慶生，喜上眉梢。