寸男人以為瞞過女友 李蘊：女人第六感好犀利

何超蓮閨蜜李蘊昨日身在廣州接受長途電話訪問時指早知超蓮情變，指作風低調的好友在網上自爆分手，相信事必有因：「應該唔係倉促，可能佢受咗啲刺激，一定係超蓮『飛』佢（吳克羣）啦！」並表示已發短訊安慰超蓮，但未獲回覆，亦不知對方是否在港。問可知二人分手是否有人偷食？她說：「唔係性格就係嗰啲啦（偷食），尤其台灣男人引誘係大啲。」並寸爆地說：「如果要鬧佢（吳克羣）都係私底鬧，超蓮係好女仔，好專一，係有人唔珍惜，人要變就變。（超蓮感覺到異樣？）啲男人以為自己好醒，瞞住個女友，但其實女友嘅第六感好犀利，（偷食）一定會知囉！」而另一姊妹鄧紫棋表示知道超蓮分手，但不便多講，談到她與超蓮一樣曾遭男友「背叛」，她說：「超蓮話向前看，我哋向前看！」