名指揮家閻惠昌千金閻奕格將攻港開騷，當看到任賢齊、溫拿及一班粉絲拍片打氣時，她感動得哭成淚人。曾節食減肥令身體變差，最終靠中藥調理而暴肥40多磅，現在的她終走出陰霾，為了回復最索狀態，實行健康瘦身！

現場播放溫拿樂隊、任賢齊及Selina等拍攝的短片，為閻奕格打氣。

Robynn & Kendy送上枕頭給閻奕格（右）。

文：音樂組　攝：鄭家俊

有「閻羅王」之稱的「踢館魔王」閻奕格昨日來港出席發布會，宣布下月17日假九展舉行《閻奕格亦型亦格香港音樂會》，大會播放了林宥嘉、任賢齊、Selina@

S.H.E、溫拿樂隊及一班粉絲拍攝的短片，齊為格格打氣，令她感動得當場爆喊，工作人員即遞紙巾給她抹眼淚。至於早在美國讀書時已認識的好友Robynn & Kendy亦有到場支持，並送上枕頭。

減肥過度打擊

格格試過減肥過度減出禍，最終休養兩年才回歸樂壇，她表示當時自信心大受打擊：「當時要求有啲Crazy，唔知咩係極限，為咗減肥，半年內完全唔食澱粉質，一粒飯、一粒糖都唔掂，最終減到得90幾磅，為咗調養身體要食中藥，又肥咗40幾磅，嗰兩年都冇真正照過鏡，非常唔開心。」

盼與父親合作

經一事、長一智，格格表示為了回復最佳狀態，最近積極做運動減肥：「歌迷都有叫我保重，佢哋話唔係鍾意我靚，而係鍾意我唱歌，我工作始終係做歌手，依家邊唱歌邊減肥。」另外，問到今次開騷可會與父親合作？她說：「希望有啦！但唔急，都想喺佢退休前同佢同台。」