張繼聰自嘲攞獎「窄窄哋」

張繼聰（阿聰）及唐詩詠昨日出席活動，談到阿聰今年提名視帝，撐自己得獎的他笑言要輸人唔輸陣：「揀自己！我都知結果『窄窄哋』，有自知之明，入圍已經圓滿達標！比賽唔係要贏人，唔輸畀自己就得。」他的心水視后則是《收規華》拍檔楊怡及胡定欣：「當中定欣好努力，係時候攞獎。」提到他早前獲在《馬來西亞星光薈萃頒獎典禮》奪男配角的袁偉豪狂讚，他笑言對方好Sweet：「佢係『筍嘢』，佢攞獎時我喺台下幫佢影相都好忙。我都戥展鵬開心，當時大家隔籬廠見佢哋拍得非常辛苦。」