「三屆視帝」黎耀祥（祥仔）前晚出席台慶劇《梟雄》大結局晚宴，提到陳展鵬獲封星、馬視帝，他大讚實至名歸：「每次比賽都係公道、公平，觀眾投票都佔好大比數，我諗馬來西亞觀眾有唔同嘅喜愛，展鵬都確實做得唔錯，佢嘅經驗都好耐。」祥仔稱不擔心台慶頒獎禮難再奪視帝，又指再攞也是錦上添花，最希望《梟》劇奪「最佳劇集」：「獎項對好多同事係好大鼓勵，我都好期待佢哋攞到。」

黎耀祥出席《梟雄》大結局晚宴，大談角逐視帝心情。

吳卓羲雖然是自由身，依然現身撐場。

而回復自由身的吳卓羲表示無綫高層曾勵珍邀拍劇，他表示若《梟》劇明年開續集會返無綫拍劇，目前則與中港、馬國的電影、電視洽談合作。而聲帶發炎導致失聲的唐詩詠，對於男友洪永城在台慶頒獎禮獲四項提名，她睇好男友可贏「飛躍進步男藝員」：「點都有一個獎，佢今年做戲方面多咗好多機會。」另外，《梟》劇前晚大結局的收視平均29點，最高32點，打入全年最高收視劇的第三名。