《東網巨星》App舉辦的《東網民選TV King & Queen》昨午正式登場！讓各界可憑民意做指標，透過《東網巨星》Facebook專頁，選出無綫《萬千星輝頒獎典禮2015》「最佳男、女主角」40位候選人中自己最Like的King & Queen！ 文：影視組

秋生在《梟雄》的演出，備受讚賞！

陳展鵬近期連奪兩個視帝，話唔埋在台慶頒獎禮再下一城！

田蕊妮

田蕊妮演得生鬼；汪明荃爐火純青，各有優勢，真係幾難揀！

秋生力撐陳煒封視后！

祖兒

祖兒與唐詩詠的心水視帝同樣是秋生！

黃秋生、容祖兒、洪永城及唐詩詠昨日率先選出心水視帝視后，祖兒及詩詠都投選秋生做民意視帝！視后方面，祖兒選了汪明荃，詩詠卻力撐田蕊妮！秋生本人則選了黎耀祥及陳煒，洪永城雖與陳展鵬傳不和，但照撐對方做視帝！

《東網民選TV King & Queen》百分百由網友選出民選視帝、視后，賽果反映民意指標，究竟民意視帝最終會由黃秋生，抑或應屆雙料視帝陳展鵬奪得？民意視后會是汪明荃抑或田蕊妮的囊中物？《東網民選TV King & Queen》與無綫《萬千星輝頒獎典禮2015》的視帝、視后同樣全城關注！

祖兒讚「天哥」演技超凡

《東網巨星》App由11月30日起開始投票，截止投票日期為12月11日下午，舉辦《東網民選TV King & Queen》投票，讓網民透過《東網巨星》Facebook專頁，從無綫《萬千星輝頒獎典禮2015》「最佳男、女主角」40位候選人中，選出自己最Like的視帝、視后，賽果百分百反映民意，《東網民選TV King & Queen》與無綫《萬千星輝頒獎典禮2015》的視帝、視后，同樣備受全城關注！

容祖兒昨日率先投票，她說：「提名名單都唔使睇，我一定選黃秋生同汪明荃！秋生喺《梟雄》演技超凡，視帝係佢！視后呢，汪明荃一出，誰與爭鋒？冇人夠膽同佢爭呀！」唐詩詠則說：「視帝揀秋生，因為佢好戲！視后揀田蕊妮，因為佢係我好朋友！」

自爆鍾意陳煒多啲

秋生前晚出席《梟雄》大結局晚宴，他力撐陳煒封后：「陳煒有份角逐？佢攞硬！（你上次睇好汪明荃？）咁就唔知佢（陳煒）夠唔夠膽攞！我梗係鍾意陳煒多過汪明荃，以外貌計！」他昨日透過電話再表態撐黎耀祥稱帝，他笑說：「其實我都冇睇過（所有候選者演出），點選？但黎耀祥同陳煒，我有睇喎！」至於洪永城則將視帝一票，投給曾傳不和的出爐雙料視帝（新加坡、馬來西亞）陳展鵬，他說：「對佢又愛又恨，佢係一架跑車，如果我見到佢車尾燈，我都當自己贏！」