男神張智霖（Chilam）及天后容祖兒昨日在「《TVB周刊》最強人氣品牌大獎2015」頒獎典禮中，獲頒最強人氣廣告天王及天后殊榮！Chilam表示還想拍酒類、汽車及健身院廣告：「想拍健身院係因為我總係開騷先Fit，平時比較Hea，有人督促住好啲。（搶郭富城生意？）唔係，我想幫黃佩霞嗰間呀！（接受拍女性用品廣告？）潤唇膏OK。（衞生巾呢？）如果故事有趣係好吸引眼球嘅！」

Chilam恨拍健身院廣告，祖兒則想拍旅遊特輯《祖兒去Shopping》。

祖兒在樂易玲手上接過最強人氣廣告天后獎。

Chilam在台上與頒獎嘉賓玩自拍。

問到是否已為下月的巡唱操Fit？Chilam笑說：「係呀！係咪覺得我眼神充滿怨念？（唔夠飽？）人得唔到滿足係好忟，但Keep Fit係健康。」他又表示支持「取消小三TSA」，認為童年要開心及玩耍，幸好兒子「魔童」在國際學校就讀，不用經歷「恐怖」考試。

至於祖兒笑言尚未拍過旅遊特輯是人生遺憾，希望搞個《祖兒去Shopping》：「仲想拍關於旅遊嘅廣告，最近睇《Do姐去Shopping》好正，特別鍾意睇Do姐（鄭裕玲）同農夫。」