無綫小生黃長興和太太Peggy現育有歲半的女兒Paige，兩夫婦一直積極造人，現已有好消息，太太終於懷有第二胎！長興接受本報記者訪問時相當興奮，他透露太太懷孕已逾三個月。問到是否男嬰時，他開心地說：「梗係想湊夠一個『好』字，不過都應該係弟弟嚟！」

長興坦言之前陪太太產檢，醫生問他們想不想知道胎兒性別，但老婆表示暫時不想知，長興即跟醫生說：「但我想知囉！醫生話如果太太唔想知，佢哋就唔想講，但照超聲波時醫生有畀提示我，佢話今胎個BB輪廓好出、好明顯，咁應該係男仔啦！」原先想做「多仔公」的長興，眼見太太今胎佗得很辛苦，經常嘔吐，他笑說：「依家捱埋呢幾個月，都應該收工喇！」