早前不滿黎美言操練格鬥賽時出手太重的唐紫睿，昨日睇拳賽時藐嘴怒睥黎美言，並說：「有啲參賽者嘅所作所為我係極度鄙視。」而黎美言則表示會以沉默應對負面控訴。

Winkie表示學識沉默應對，並指練習格鬥真人騷時亦有受傷。

嘴藐藐的Hazel（右）翹手得住Winkie，零交流！

Hazel（左一）大合照時與Winkie（右二）企到離行離列。

唐紫睿（Hazel）、黎美言（Winkie）、劉燕妮和郭思琳等前晚在灣仔欣賞《ViuTV女子綜合格鬥真人騷》，早前Hazel不滿同樣有份參加女子綜合格鬥真人騷的Winkie操練時出手太重，期間更發生口角，前晚兩人零交流，Hazel更嘴藐藐怒睥Winkie，又用背脊得住她，到大合照時兩人更相隔甚遠。

壓力大食安眠藥

訪問時，Hazel坦言因比賽壓力太大，要食鎮靜劑和安眠藥：「賀爾蒙分泌唔正常，Period都可能遲嚟。」

講到眼泛淚光的Hazel又大呻對手狼死：「有啲參賽者嘅所作所為我係極度鄙視。」她又表示早前急性腦中風入院的爸爸仍留院，希望比賽快點完結，能多陪家人。

而Winkie則自言學識沉默應對負面新聞：「我做所有嘢都對得住自己，對得住天地良心。」她亦擔心對手無法處理情緒：「但我可以做啲乜，參加得我都預咗，我都有畀人打塊面，我都有受傷。」

文：影視組