昨日是王菀之和Eric So「蘇王聯婚」的大日子，兩人邀得圈中好友到賀，包括天后容祖兒、張敬軒、黃偉文、楊千嬅、王祖藍及吳君如等。中午12時許，祖兒與手持禮物的Wyman到達婚禮場地，Wyman透露：「買咗床上用品，因為收到通知時都幾急，喺有限時間買到最好嘅嘢！」身旁的祖兒說：「我就實際啲，都係折現！」吳君如則說：「唔係貴嘅擺設，係一對牙刷，等佢哋每朝對住一齊刷牙，當然都有封人情啦！」

婚禮其中一個亮點是祖兒上載一段安慰「失戀」張敬軒的影片，片中的軒仔作狀嚎哭，期間祖兒將他一擁入懷安慰，軒仔卻隔空「摸」祖兒心口及大叫：「咁平嘅？」軒仔事後受訪時笑說：「玩吓啫！戥佢哋開心！（摸到祖兒個胸？）借位，唔係真摸！（驚師兄劉浩龍嬲？）唔會嘅！」此外，出席婚禮後急急腳趕開工的祖藍大讚婚禮感人：「簽字時播Ivana嘅《好時辰》好感人，真係喺『好時辰』遇上對方！」而林二汶昨日出席活動時透露，有意送鑊及煲給王菀之作賀禮：「佢咁鍾意煮嘢食，連煎Pan燶晒都照整嘢食！」