王菀之（Ivana）昨日與拍拖兩年的「Figure王」蘇卓航（Eric So）註冊結婚，愛設計及藝術創作的兩人婚禮走溫馨簡單的「非主流路線」，最感動的一幕是Ivana父親不捨將女兒交到Eric手上，令女婿要「搶新娘」！Eric又親自設計獨一無二的婚戒，在戒指用紅繩綁上小蝴蝶，寓意與Ivana「締結良緣」！

Ivana婚紗設計簡潔，以頭上的皇冠作點綴。

王菀之與Eric昨午在陽明山莊舉行簡單而溫馨的婚禮，婚禮以簡潔為主，到賀賓客除了親友外，圈中好友張敬軒、容祖兒、楊千嬅與兒子Torres、吳君如、王祖藍、黃偉文（Wyman）、梁祖堯、馮翰銘和太太黃馨齊齊出席，賓客於上午11時許陸續到場。12時許，一對「潮爆新人」登場，新郎Eric身穿黑色禮服襯紳士帽，配搭牛仔褲，新娘Ivana則披上米白色婚紗，與父親翹手進場。期間，王父難捨愛女出嫁，遲遲不願將女兒交到Eric手上，令女婿要主動伸手「強搶」Ivana，感動得雙眼通紅的一對新人與王父相擁，非常感人！

中西合璧 啜完再啜

在牧師見證下，Eric和Ivana進行宣誓及註冊，王母親自為女兒創作一首詩《新的篇章》並即場朗誦。現場播放Ivana作品《好時辰》，一對新人進行交換戒指、合巹交杯及切蛋糕儀式，賓客即起哄大叫「咀佢、咀佢！」Eric肉緊得用雙手捧着「蘇太」Ivana的臉頰情深「錫錫」，連咀兩次，Sweet到爆！現場其後再奏起中式喜宴音樂，一對新人跪地向雙方父母斟茶，王母送上龍鳳鈪及玉吊墜作嫁妝，王父則以手錶送贈女婿。至於自稱是Ivana「老公」的張敬軒與一對新人合照時，抵死地向Ivana說：「依家兩個老公同你影張相啦！」身旁的黃偉文不禁笑說：「唔知邊個係老公呢？老公競選比賽。」軒仔其後火速上載三人的合照並留言：「真假老公。」有網友留言笑說：「兩個都要啦！」

婚禮變成音樂會?

禮成後約3時半，換上皇冠頭飾、榮升「蘇太」的Ivana幸福滿瀉，她表示婚禮最感動的一幕是爸爸不捨得把她交給Eric：「其實交咗畀Eric，我都依然係爸爸嘅乖乖女！」未知是否過於興奮，Ivana竟一度將「婚禮」說成「音樂會」：「呢個音樂會，唔係……呢個婚禮充滿音樂，係一個好浪漫嘅婚禮。」問到婚紗造型由誰負責？她說：「我哋一齊諗，頭上皇冠係喺日本影婚紗相時，佢買嚟送畀我今日戴，花球就喺日本一間藝術廊買。」提到手上的婚戒，她說：「結婚同求婚一齊戴，結婚嗰隻簡單啲，係Eric設計，喺戒指用條紅繩打蝴蝶結，代表『締結良緣』；有鑽石嘅係求婚戒指。（幾多卡？）唔知呀！」至於她右手戴上的花鑽戒則是哥哥的禮物。

問到可有說愛的宣言？Ivana甜絲絲說：「第一次聽到佢點叫我！（叫老婆？）唔講啦！」至於會到何處度蜜月？她透露要先完成手頭工作，問到會否在頒獎禮後出發？她說：「咁又唔會，太耐啦！（想去邊？）佢鍾意邊咪去邊囉！（趁蜜月造人？）呢啲問題咁私人，唔知呢！」

文：音樂組