《東網巨星》App傾力打造的遊戲節目《巨星放題》初賽進入最後階段，郭奕芯、陳瀅和鄭俊弘力爭準決賽的最後一席，面對刁鑽的IQ題，三位參賽者都出盡渾身解數諗答案，最後由鬥心極強的陳瀅脫穎而出！

陳瀅贏在答得夠快，睇佢個樣幾得戚！

第三題鄭俊弘竟然答「南丫島」，抵罰扭耳仔啦！

全港最強娛樂資訊App《東網巨星》傾力打造「智激」遊戲節目《巨星放題》，自推出後掀起熱潮，每集由「Dr.吹神」陳奕迅及「Miss Kay」謝安琪考考三位藝人的腦筋轉數，節目於昨日播出初賽最後一集，由「九龍區小雲」郭奕芯（Ashina）、「半透明的舞孃」陳瀅及「EQ高過IQ」的鄭俊弘（Fred）接受挑戰。

第六集由「Miss Kay」單獨出題，以兩條冷知識和一條IQ題的雙拼組合考考三位參賽者，第一題IQ題：「圓形同正方形邊個跑得快啲？」陳瀅即發揮推理小宇宙：「梗係圓形啦，圓形可以碌吓碌吓，但Kay問得我梗係答正方形啦！」而Ashina和Fred面對同一題則毫無頭緒，最後由「Miss Kay」揭曉答案為正方形：「係咪以為圓形咕嚕咕嚕咁樣會跑得快過正方形？錯喇！因為鉛筆刨（圓不跑）！」三人知猜中答案後即露出勝利笑容！

海洋公園冇公屋？

不過好戲在後頭，兩條冷知識題才是戲肉！「Miss Kay」繼續發問第二題：「18區邊區冇公屋？」這一條「土地問題」認真考起三位參賽者！對香港地區分布不太了解的「竹升仔」Fred，聽完題目後一臉無助，推理頭腦極強的陳瀅今次亦令人大跌眼鏡，居然估上水。Ashina就更加離譜，居然以「海洋公園」作答，正確答案其實是位於港島的「灣仔區」，第二題無人答中！

第三題全軍覆沒

第三題「Miss Kay」繼續為大家惡補地理：「香港最南嘅島係邊個島？」似乎是「地圖白癡」的陳瀅居然沿用上一條答案兼香港其中一個最北的地區「上水」作答，Fred與Ashina一樣答了有個「南」字的「南丫島」。「Miss Kay」講出答案時笑說：「係咪好多人估係南丫島呢？我都中咗招，答案係蒲台島。」雖然三位藝人都只答中一題，但陳瀅於第一題極速搶答，故以速度取勝，並將與周秀娜、張繼聰、連詩雅、「蝦頭」楊詩敏及「牛雜妹」李美琪一同進身準決賽再火併。

文：音樂組