姚子羚昨晨出發往馬來西亞，提到生日旅行時拍攝的泳衣照獲讚身材Big爆，她笑說：「咁去得夏天嘅地方梗係着泳衣，唔使咁怕醜啦！所以同大家分享吓囉！」身旁的胡定欣即笑說：「其實你係咪有咗呀？」子羚說：「應該係啦！（今次旅行同男友去？）同幾個朋友。（收到咩難忘禮物？）冇咩特別吖！有得放鬆吓已經好開心。」同行的黃翠如透露男友蕭正楠在日本拍劇未能出席頒獎禮，故未知能否再奪螢幕情侶獎：「上次拎咗呢個獎係好好嘅紀念，都唔貪心拎多次。」又笑言絕不會再與好友洪永城拖手行紅地氈。

黃翠如誓言絕不會再與洪永城拖手行紅地氈。

許廷鏗（左起）、何雁詩、吳若希及胡鴻鈞結伴出發。

農夫亦一同前往馬來西亞。

而吳若希（Jinny）、許廷鏗、胡鴻鈞、何雁詩及農夫將為頒獎禮擔任表演嘉賓，Jinny表示不敢預計能否奪電視劇主題曲獎，並指紅地氈戰衣不會性感：「會露少少腰，事業線同腳都唔露喇！因為驚凍。」提到有指同是星夢的鍾嘉欣獲老闆何哲圖揼本拍MV，她表示不覺失寵。