黃翠如近日忙於在台灣拍攝《愛情來台灣的時候》，甫煞科即飛返香港，昨午出席《Black & White港式奶茶日》活動。由於不眠不休，故略現疲態，不過她笑說：「製作團隊好專業，每日瞓幾粒鐘都值得。今次同周柏豪合作，我哋啲鏡頭成日都要跑，跑到我雙腳貼咗膠布，好似拍緊動作片一樣。」

黃翠如出席活動時表示在台灣拍攝時辛苦，每日只瞓得幾粒鐘。

對於男友蕭正楠「投訴」很久沒有相聚，翠如笑說：「本嚟我仲要去印度，好彩時間延後咗，年尾就算唔去旅行，都可以多啲時間一齊。（台慶頒獎禮提名『最佳女主角』喎。）冇信心，想田蕊妮同胡定欣一個攞『最佳』，另一個攞『最受迎歡』，咁我成晚坐得開心啲。」