早前捲入司馬燕丈夫吳忠義（Togi）與疑似女友Summer（孫君子）風波的周美鳳，前晚出席友人的生日派對時說：「完咗啦！我諗我嘅介入同牽連都搞掂，畫上句號。都多謝男方還我清白。（Summer話告你？）唔理。」另外，司馬燕表妹陳麗文（Polly）昨日出席活動時表示，近日曾跟表姐夫Togi聯絡，兩人已有共識，不應被「路人甲乙」影響司馬燕多年來建立的形象：「人都死咗，唔應該挖番啲事嚟講，有啲朋友話可能咁樣導致佢病，係錯嘅！佢又唔係醫生，真正朋友唔應該揭人瘡疤啦！」並暗示周美鳳披露事件是「過分關心」:「有啲朋友講嘢為自己平反，但傷害到人哋家庭健康同形象，我覺得有啲唔開心。」而Summer昨日不停更新微博，自爆身在北京感到天氣嚴寒。

陳麗文表示有與表姐夫Togi聯絡。

周美鳳希望事件早日完結。