白只憑電影《踏血尋梅》勇奪金馬「最佳男配角」，他在慶功宴上笑言上台領獎時「傻更更」及普通話差：「我都反應唔切，雖然事前都有諗過上台要講乜。」昨日他回港後再受訪，笑言錫錫獎座影相效果差：「個獎好重，尋晚又冇乜點瞓，班機又Delay，我真係鄉下仔，喺機上問人攞報紙，睇番自己錫金馬獎個樣，覺得好尷尬！」提到他在片中的拍檔春夏在他領獎時爆喊，問到是否戲假情真，他說：「仲有金燕玲都有喊呀！我哋劇組感情真係幾好，有份愛護嘅感覺，天王（郭富城）都有愛護、提攜我哋。」他又表示得獎後或考慮加片酬，但他認為「參與」最重要：「可以分享到導演嘅夢想最緊要。」

回港後的白只並未錫獎影相，睇嚟呢張相啱晒佢心意啦！