荷里活電影《戇Scout打爆喪屍城》（Scouts Guide to the Zombie Apocalypse）的Ⅲ級版，堪稱本年度最讓香港普羅觀眾（尤其年輕人）睇得開懷的西片，它比電影《馬丁路德金：夢想之路》（Selma）更加「Tribute to HK」！

雖然，以喪屍片標準來衡量，《戇》片的喪屍其實很「小學雞」，當然難與畢彼特主演的荷里活A級大製作喪屍片《地球末日戰》（World War Z）作比較，但它勝在懂得避重就輕，改玩成本有限但又效果顯著的另類「驚嚇」：將喪屍阿伯「何B仔」扯到手臂咁長、大胸喪屍女警巨胸爆衫而出、冇牙喪屍阿婆咬人籮變啜人籮等，均看得戲院內年輕觀眾Dum蹄Dum爪，嘻哈爆笑，連帶之後一場眾主角潛入冇牙阿婆的寓所時，戲院內也紛紛響起觀眾非常「入戲」的提點：「阿婆啲貓變咗喪屍呀！」足以證明觀眾們對此片的投入與真心Like！ 文：陳專