蕭正楠、陳凱琳、陳展鵬及田蕊妮等昨日啟程飛往日本沖繩拍攝無綫新劇。穿上女友黃翠如送贈的波鞋上陣的蕭正楠，笑言要藉鞋慰相思。

Grace與Edwin在劇中有裸泳戲份，但她表示毋須向男友嘉穎備案。

Edwin（左起）、田蕊妮和陳展鵬出發到沖繩拍劇。

Grace叫嘉穎到沖繩探班。

翠如獲男友Edwin大讚貼心。

蕭正楠（Edwin）、陳凱琳（Grace）、陳展鵬和田蕊妮等，昨日出發前往沖繩拍攝無綫劇集《巨輪Ⅱ》。再以女友黃翠如送贈之波鞋亮相的Edwin笑稱靠對鞋可睹物思人：「呢排都會着住！」他又冧爆讚翠如送鞋同時送上昂貴的白松露Nuts：「好窩心，佢唔食都買畀我食。」他大呻與女友少時間相處：「佢返嚟我就飛。（靠視像聯絡？）我同佢講電話講一、兩分鐘都聽到鼻鼾聲。」

Grace叫鄭嘉穎探班

Edwin又透露將與Grace拍裸泳戲，但坦言毋須向女友備案，Grace聞言即戲稱要搵替身上陣：「周圍召集都冇人肯做，講吓笑。（要問男友鄭嘉穎先拍？）唔使！拍戲啫！」將在當地逗留兩星期的她表示男友冇嚟探望：「佢有嘢做，過唔到嚟。（你叫過佢嚟？）冇嘢做咪嚟！」

陳展鵬攬錫鍾嘉欣

而陳展鵬則表示劇中會與鍾嘉欣有又攬又錫的戲份，提到於台慶頒獎禮「叫四飛」的洪永城力撐他攞視帝，展鵬盛讚洪永城表現佳。而日前喜獲台慶4萬8千元大利是的田蕊妮透露，會於沖繩請食開工飯，還笑言有信心再奪視后。

文：影視組