張敬軒、許廷鏗和鄭俊弘等昨日出席《2015年度勁歌金曲頒獎典禮》記者會。軒仔被問到有否信心冧莊「最受歡迎男歌手」？他說：「隨緣啦！雖然今年歌曲成績幾好，但係許廷鏗、鄭俊弘、胡鴻鈞都好有實力，觀眾睇住佢哋參加比賽出道，感情會深啲，都有一定壓力。」他更自嘲是「老藕」：「我係傳統唱片公司歌手，有偶像包袱，不過都係老藕，參加頒獎禮都有啲唔好意思。」

軒仔（右起）和許廷鏗無甚交流，鄭俊弘和胡鴻鈞則笑開懷。

吳若希、鍾舒漫、連詩雅和欣宜出席勁歌記者會。

而許廷鏗今年產量十足，被問到可有信心競逐「最受歡迎男歌手」獎？他說：「冇諗過，如果有一日做得夠好，我就會有信心攞呢個獎。」而他與曾傳緋聞的軒仔，台上刻意保持距離。另外，大會今年特別增設「最佳演繹男/女歌手」獎項，記者會上率先頒發「最佳廣告歌曲金獎」，由組合Super Girls的歌曲《一拍即愛》奪得。