女子組合Super Girls（SG）昨日為《ERB學員技能服務日》開展禮任表演嘉賓，成員Aka有芭蕾舞八級舞技，Cheronna則是「女飛魚」，有游水教練牌，而Heidi被姑媽睇中揚言要提名她參選港姐。

Yanny（左起）、Cheronna、Heidi、Jessica和Aka各有一技之長，周身刀張張利。

林奕匡在加拿大讀書時，演奏色士風賺外快。

小時候父母都想子女有一技之長為未來打算，SG五女亦各有所長，Aka說：「細個時媽咪要我喺鋼琴、小提琴同芭蕾舞揀一樣學，我揀咗芭蕾舞，都學到八級。（教跳舞賺錢？）有教過小朋友，後來冇時間先冇教。」而Cheronna原來考獲游水教練牌，亦教過小朋友游泳。

Jessica被鬧唱歌難搵食

至於Heidi可能小時候樣子標致，早已被姑媽睇中要提名她參選香港小姐，她笑說：「我梗係唔制啦！要我喺台上面着住比堅尼接受司儀答問環節。」Jessica和Yanny則最有表演欲，Jessica自爆童年時最愛在家中唱歌，被嫲嫲鬧她只識唱歌長大搵不到食，Yanny則笑說：「我都試過攞枕頭扮彈古箏喺度唱歌，我仲叫自己『美麗花』，但亮點係被公公嗌咪嘈囉！」

林奕匡曾有老鼠仔

同場的林奕匡（Phil）要數一技之長是吹色士風和健身，曾經有結實胸肌及老鼠仔，因想大隻點打籃球玩入樽，但練到大隻卻練不到彈跳力，差兩、三吋未能入樽。

文：音樂組　攝：劉智源