女星文詠珊（Janice Man、JM）早前進軍內地，一口氣拍了多部電視劇，名利雙收！惟當中的辛酸令她崩潰，除每天工作至少15小時外，又飽受思鄉、中暑及拍攝場地冇洗手間等困擾。經過一日辛勞，JM收工回酒店後卻不時遇上「不速之客」，她指有次發現枕邊有隻手掌大的黑色巨型蜘蛛，嚇得半死：「嗰時真係好無助，助手又唔係同我一齊住，唔知點算，喊咗出嚟。」

轉戰內地的JM名利雙收，但所賺的都是有血有汗「辛苦錢」！

JM大爆北上搵銀的辛酸史，惟她鼓起勇氣捱過去。

爆喊的JM把一直抑壓的情緒抒發後，便冷靜地致電酒店大堂求救，其後酒店派員「清理」，她笑指是北上工作最難忘的經歷。而「蚊患」亦令JM叫苦連天：「試過有晚太攰，返到房就瞓咗，第日起身塊面畀蚊咬咗五粒紅印，痕到不得了，叫救命都冇人理！」

場地：Djiboutii