碩士女星柯嘉琪（Kiko）多才多藝，擁有高級潛水牌的她穿上三點式，大晒33D索爆身材，更上課學習美人魚的優美泳姿。套上美人魚尾的Kiko婀娜多姿，在深水中閉氣擺出不同甫士，甚有難度，事後她表示感覺得意：「細細個已經好鍾意美人魚童話故事嘅愛情世界，故事有唔同結局，我會選擇幸福嘅版本，因為我比較樂觀，相信王子與公主。」

享受水底世界的Kiko化身美人魚，向難度挑戰！

身形Fit爆的Kiko雖然好動，卻嚮往水中的寧靜。

曾到各地潛水的Kiko嚮往水世界的寧靜，並指練水可鍛煉身體，問到在水底有否遇過驚險事？她笑說：「記得有次喺香港果洲見到鯨鯊，好壯觀！好在鯨鯊冇攻擊我哋，最驚險係有次畀水母喺嘴邊炸咗一下，個嘴腫到似孖膶腸，兩日唔敢出街！」此外，曾周遊列國的Kiko「閱仔無數」，她大讚法國男最靚仔，美國男則最大方，適合做朋友，但始終會揀同聲同氣的港男作伴侶。

鳴謝：aquaticity-mermaid school