無綫藝人蕭凱欣擁有食極唔肥的「神奇力量」，不需要減肥Keep Fit的她惟有專注護膚。她表示皮膚偏乾，所以要勤力護膚：「每日飲夠八杯水真係好重要，我唔係口渴先飲水，不時飲吓咁，其實一日八杯水都唔係好難完成啫！」

她又表示隔日敷一次補濕Mask，每月都會到美容院護膚，而且注重清潔，故可以保持皮膚白白滑滑！至於如何美白，她說：「我嘅皮膚比較易敏感，好多美白產品都唔用得，但發現其實皮膚有足夠嘅水分，就會自然白！」

談到拍劇日夜顛倒，她表示幸好即使睡不夠亦不會有「殘樣」出現，不過每次捱夜拍劇後，回到家中首要就是做深層清潔面膜，再敷補濕面膜才會安然睡覺！