港姐出身的王卓淇（Erin）形象既活潑又健康，但原來有個古怪的收藏習慣。喜歡儲假髮的她自爆這個習慣由讀書時養成：「因為十幾歲嗰陣時覺得返學唔可以染髮，又一路都係短頭髮，所以就開始鍾意儲唔同顏色、唔同Style嘅假髮，仲特登買啲好長嘅假髮，可以轉換形象玩自拍。」

Erin收藏了很多假髮在家中，曾被媽媽投訴款式一樣。

戴上假髮的Erin（左）與舞台劇導演甄詠蓓合照。

Erin的假髮收藏包括短、中及長髮。

問到最多試過有幾多個假髮時，她表示接近20個：「搬咗屋之後就遺失咗一半咁多，最鍾意嗰三、四個仲喺度。」她曾經因買太多而被媽咪投訴：「佢問『點解你買咗咁多款都一樣嘅』，之後我諗諗吓都覺得款款都好似差唔多，但係我買嗰時真係唔覺，覺得款款都好有特色，所以愈買愈多。」

講起假髮的趣事，她即笑說：「之前有個Artist朋友要扮女人，我都借咗個畀佢戴，但攞番之後就洗都冇洗就丟咗，因為好大陣味喺度，假髮呢啲私人嘢真係唔應該借畀人。」