混血模特兒Alice B.昨日在《好報》獨家披露，曾因誤交壞男友而濫藥，又曾為一位城中名人珠胎暗結卻被迫墮胎。現已走出陰霾的她正與瑞典大地主貴族男友拍拖，並表示想「轉行」。

走出陰霾的Alice希望離開香港後可以轉行。

Alice在《好報》獨家披露早前結交城中名人，更被迫墮胎。

移居瑞典的Alice與男友在湖上泛舟，非常溫馨。

來港發展七年的「第四代Canon甜心」Alice B.昨日在《好報》大爆曾因誤交壞男友而濫藥，又曾跟一位城中名人交往，並珠胎暗結，卻受到壓力而被迫忍痛墮胎。曾陷入低潮的她終於走出陰霾，如今更是「谷底反彈」，早前結交了瑞典大地主貴族男友Charles-Louis，正式移居瑞典兼住在王宮般的莊園，變身「現代版灰姑娘」。

未見家長

Alice決定不再返香港這個傷心地，更不排除「轉行」：「喺香港嘅生活實在係太瘋狂，我依家需要平靜嘅生活。如果有工作請我返嚟嘅話，都唔排除會返嚟。不過我想轉行，一直以嚟都想做老師，教小朋友藝術、音樂。」

Alice現正在瑞典和男友雙宿雙棲並學習瑞典語，問到生活是否完全由男友照顧，她說：「可以咁講，不過我都有照顧佢，佢負責工作，我打理屋企，照顧佢起居飲食。」問到男友曾否送過貴重的物品給她，Alice說：「我哋嘅關係唔係建築於物質上，佢暫時冇送過好貴重嘅嘢畀我，不過當佢知道我想要乜，佢都會買畀我。好似之前佢知我想畫畫，佢就買咗一套畫畫嘅工具畀我。佢知我鍾意邊件衫又會送畀我。父母知道我哋拍拖，我哋都唔急於要見大家家長，慢慢嚟。」她表示目前最想與男友四處旅遊，計劃到意大利自駕遊，歎當地的紅酒，還會去峇里玩及慶祝男友的朋友酒店開幕。

文：名人組