名模琦琦昨晚出席著名髮型師Kim Robinson的畫展，同場嘉賓還有名模周汶錡及藝人孫佳君，琦琦表示家中很少掛畫或相，連她與丈夫任達華（Simon）的結婚相也沒有擺放出來。談及前晚的港中大戰，她說：「我哋住喺香港，梗係支持香港隊，打和已經好叻，好開心！」而巴黎恐襲則令她感到憂心：「尋日去超級市場，見到有個男仔孭住大背囊，我都有啲驚，想快啲走，點知佢問我登唔登記做選民。（減少去歐美？）原本今個聖誕，我會同個女去加拿大同紐約，機票都出埋，Simon喺馬來西亞拍戲唔可以一齊去，佢Send訊息問我可唔可以唔去紐約，咁我咪取消去紐約，淨係去加拿大，佢即刻話安樂晒！其實係個女想去，但佢知道情況後都話唔想去喇！」

琦琦搭住老友Kim送上祝賀。

周汶錡心口通窿，若隱若現！