吳忠義事件中，無辜成為被騷擾對象的藝人何佩瑜，指對方太過分：「我唔識司馬燕老公同嗰個女人，但幾個月前，我嘅微博Keep住有人Send嘢話我，連同美鳳同另一個叫Angel嘅朋友，本來美鳳覺得人哋家醜不外傳，不過呢個女人太過分，所以都報咗警。司馬燕個人唔喺度，就爆呢單嘢，覺得替佢心酸。世界上可能有好好嘅男人，但真係好少，我覺得每段三角關係，最大責任係個男人，只要佢把持得住，就唔會發生任何嘢，佢唔止傷害咗司馬燕，都傷害咗嗰個女仔，可能個女仔都知自己唔啱，但個男人可能講到好愛，令佢離開唔到。」

何佩瑜無辜受牽連，而馬詩慧則坦言沒有被騷擾。

司馬燕好友吳麗珠對於有傳吳忠義曾簽下在司馬燕死後娶對方的承諾書，她說：「如果真係有承諾書，咁真係好過分！（以你認識嘅吳忠義份人係點？）人有好多面孔，可能佢當做場戲。（如果證實咗真係有承諾書？）咁就唔需要同呢個人再聯絡。（周美鳳指吳忠義太識做戲？）佢都應該真心對佢老婆，或者佢兩條心啩！佢同嗰個內地女人係孽緣，我知道個女人有小動作，騷擾身邊朋友。（你有份被騷擾？）冇被佢騷擾，但某啲途徑見過佢啲相，呢個女仔太過分！」而鍾慧冰昨日受訪時對好友司馬燕丈夫暗交Summer一事表示不驚訝：「有聽聞Togi外面有女人，但我唔識Summer亦冇見過佢，但我覺得Togi處理得好差。（司馬燕有冇提及呢件事？）佢有同人講，但唔係我，我都係聽番嚟！（知佢簽承諾書？）佢啲私人嘢唔講，司馬燕都離開咗，點解仲要攞出嚟講，影響到啲小朋友，佢哋會覺得媽咪好委屈，覺得有人故意攞出嚟講囉！」

另外，與周美鳳分屬好友的馬詩慧被問到有否被騷擾？她說：「我唔係佢身邊嘅女人。（信唔信佢有女人？）唔出奇，男人嘅嘢，點講得埋，講一套做一套，講就天下無敵，做就無能為力。（個女人話周美鳳搞人老公？）冇乜可能。（司馬燕慘？）好難講，Togi喺佢生前都做得好好睇睇，唔衰得晒，唔會好肉酸，令病人更難受。」