鄭希怡（Yumiko）、何嘉莉、谷祖琳（小谷）及黃伊汶情同姊妹，日前小谷的甜品店開張時，四人盛裝到賀，還將大合照放上網開心Share，不過昨日在嘉莉的結婚大喜日子卻「三缺一」，未見Yumiko，惹來好姊妹反目疑雲。昨日Yumiko接受電話訪問時，問到是否因工作關係未能出席，她先咿咿哦哦一輪後才坦承：「我知佢結婚，但佢冇請我，我點去呀？（咁嬲唔嬲嘉莉呀？）我好嬲呀……講笑啫！咁等佢請我食飯囉！（係咪有誤會呀？）冇囉！唯一嘅可能性係因為我太靚。（你會唔會尷尬？）冇喎！（會補送禮？）睇吓佢幾時約我食飯啦，到時睇我心情再算。」雖然未被邀請出席喜宴，但Yumiko依然大方送上祝福：「祝佢哋幸福快樂，好戥嘉莉開心。」又稱比傳媒早幾日知嘉莉結婚，但未見過嘉莉老公，指嘉莉對感情事很低調：「佢老公係飛機師，成日飛嚟飛去，所以好神秘囉！」