「宇宙天后」鄧紫棋是非一浪接一浪，繼其經理人及唱片監製數臭港媒後，她在新澤西州演唱會內高呼「我愛紐約」，令自稱其歌迷的網民亦看不過眼，指摘偶像自抬身價，對她完全改觀！

G.E.M.在新澤西州開騷，卻不停在台上高呼「愛紐約」，被斥自抬身價。

譚詠麟

鄧紫棋（G.E.M.）偕同經理人張丹及緋聞男友兼唱片監製Lupo往美國新澤西州開騷，張丹及Lupo早前受訪時數臭港媒刻薄、冇道德及只宣傳廣東歌。而G.E.M.又於演唱會期間，對着台下大叫：「紐約，紐約，謝謝你紐約，我愛你紐約！」沒有直接提到新澤西州，有網民表示當時台下已有觀眾即時更正：「是新澤西州！」但她卻充耳不聞繼續自High。有捧場的粉絲事後怒插她有自抬身價之嫌。

發言人稱誤會

正身在芝加哥的G.E.M.對種種是非回覆道：「我一直都是做好自己，在種種環境中學習調整心態，希望將音樂帶到不同地方，心無旁騖，繼續努力。」而其公司發言人則說：「相信係一場誤會，都有粉絲幫佢上載短片，澄清當晚佢有講新澤西州。因為部分門票喺紐約發售，亦有來自紐約工作嘅團隊，加上紐約同新澤西鄰近，好似喺香港開騷，都會多謝香港、澳門同廣州嘅朋友一樣。」

阿倫叫分清黑白

而「校長」譚詠麟昨日錄影無綫節目，談到G.E.M.事件，他笑說：「我覺得佢係不可多得嘅歌手，但同傳媒嘅關係就好僵，我都想搵佢傾吓偈。（佢經理人話港媒只宣傳廣東歌。）香港唔宣傳廣東歌，咁應該宣傳咩歌？佢自己要分是非黑白，咁大個女有啲嘢要自己面對。（應該同佢經理人傾偈先啱?）唔會，我哋都係經理人，同行如敵國，如果G.E.M.要搵我一定搵到。」

文：影視組